Urdu Poetry
Samreen Firdaus
یوم الاطفال
کبھی معصومیت لکھو
تو بچے یاد آتے ہیں
کوئی ننھی کلی جب بھی چٹکتی ہے
تو بچے یاد آتے ہیں
کبھی بارش کے موسم میں
فلک پر بے وجہ ہی گھومتے،
اٹھکھیلیاں کرتے
کسی بادل کو جب دیکھو
تو بچے یاد آتے ہیں
کسی لمحے
ہوا کا کوئی جھونکا
جب شرارت کرنے آتا ہے
کسی در کو بجاتا اور
فورا ً بھاگ جاتا ہے
پھر کسی گوشے میں رک کر
کھلکھلاتا ہے
تو بچے یاد آتے ہیں!
کسی صفحے پہ بے ربطی سے
کھینچی چند لکیریں
جب بھی نظروں سے گزرتی ہیں
تو بچے یاد آتے ہیں
مگر اب وقت بدلا ہے
یا پھر ایسے کہیں کہ بخت بدلا ہے
کہ اک خطے نے
ان معصوم سی جانوں کا
قتل عام دیکھا ہے
دنوں، ہفتوں، مہینوں
اور صبح و شام دیکھا ہے
لرزتا، خون میں لپٹا ہوا،
مرتا ہوا انسانیت کا نام دیکھا ہے
مسلسل انتہائی ظلم نے
سوچوں کا رخ ایسے بدل ڈالا
کہ اب جب بھی
کوئی غبارہ پھٹتا ہے
“وہ بچے” یاد آتے ہیں
کبھی لکھتے ہوئے جب
کوئی پینسل ٹوٹ جاتی ہے
“وہ بچے” یاد آتے ہیں
کوئی اڑتی پتنگ جب کٹ کے گرتی ہے
“وہ بچے” یاد آتے ہیں
کوئی ٹوٹا کھلونا جب کبھی
نظروں میں آتا ہے
“وہ بچے” یاد آتے ہیں
کوئی نو خیز غنچہ گر کبھی
مرجھا سا جاتا ہے
“وہ بچے” یاد آتے ہیں
یہ بربریت، یہ خوں ریزی، یہ ناحق ظلم
اگرچہ مجھ کو سونے بھی نہیں دیتا
مگر اک آسمانی لفظ “لا تقنط”
مجھے مایوس ہونے بھی نہیں دیتا
کہ دنیا بھر کی ہر تاریخ شاہد ہے
جو بے جا ظلم کو اپنائے گا وہ خاک ہی ہوگا
جو سورج کو جلانے آئے گا وہ راکھ ہی ہوگا!!
Yaum-ul-Atfaal
Kabhi ma’soomiyat likho
To bachche yaad aate hain
Koi nanhi kali jab bhi chatakti hai
To bachche yaad aate hain
Kabhi barish ke mausam mein
Falak par be-wajah hi ghoomte,
Itkheliyan karte
Kisi badal ko jab dekho
To bachche yaad aate hain
Kisi lamhe
Hawa ka koi jhonka
Jab shararat karne aata hai
Kisi dar ko bajata aur
Fauran bhag jata hai
Phir kisi goshe mein ruk kar
Khilkhilata hai
To bachche yaad aate hain!
Kisi safhe pe be-rabti se
Kheenchi chand lakeerein
Jab bhi nazron se guzarti hain
To bachche yaad aate hain
Magar ab waqt badla hai
Ya phir aise kahein ki bakht badla hai
Ki ek khatte ne
In masoom si janon ka
Qatl-e-aam dekha hai
Dinon, hafton, maheenon
Aur subh-o-shaam dekha hai
Larazta, khoon me lipta hua
Marta hua insaniyat ka naam dekha hai
Musalsal intehayi zulm ne
Sochon ka rukh aise badal dala
Ki ab jab bhi
Koi gubbara phat’ta hai
Wo bachche yaad aate hain
Kabhi likhte hue jab
Koi pencil toot jati hai
Wo bachche yaad aate hain
Koi urti patang jab kat ke girti hai
Wo bachche yaad aate hain
Koi toota khilauna jab kabhi
Nazron mein aata hai
Wo bachche yaad aate hain
Koi naukhez guncha gar kabhi
Murjha sa jata hai
Wo bachche yaad aate hain
Ye barbariyat, ye khoon razi, ye nahaq zulm
Agarcha mujh ko sone bhi nahin deta
Magar ek aasmani lafz ‘la taqnat’
Mujhe mayoos hone bhi nahin deta
Ki duniya bhi ki har tareekh shahid hai
Jo be-ja zulm ko apnayega wo khaak hi hoga
Jo sooraj ko jalane ayega wo raakh hi hoga!!